Կիր. Հնս 16th, 2019

Անկախ, թափանցիկ, օպերատիվ, բազմաոլորտ

Գյումրու թիվ 27 դպրոցի տնօրենն ու գործավարուհին ձերբակալված են

Րոպեներ առաջ ձերբակալվել է Գյումրու թիվ 27 դպրոցի տնօրեն Կարինե Լալազարյանը: Այս մասին ՀԺ-ի հետ զրույցում ասաց ՇՄ դատախազ Կարեն Գաբրիելյանը: Ըստ դատախազի, Լալազարյանը ձերբակալվել է ՀՀ ՔՕ  311 –րդ հոդվածի 3-րդ մասի 3-րդ կետով, 311-րդ հոդվածի 4-րդ մասի 2-րդ կետով և 309-րդ հոդվածի 1-ին մասնով նախատեսված հանցավոր արաք կատարելու կասկածանքով:

Մինչ տնօրենի ձերբակալումը, ժամեր առաջ ձերբակալվել էր նաեւ նույն դպրոցի գործավարուհին՝ 38-309 հոդվածի առաջին մասի եւ 313 հոդվածի 2-րդ մասի 2-րդ կետի հատկանիշներով նախատեսված ենթադրյալ հանցանք կատարելու կասկածանքով:

Ընթանում է նախաքննություն, կատարվում են անհրաժեշտ քննչական եւ դատավարական գործողություններ:

Դադարեցվել են արդյո՞ք թիվ 27 դպրոցի տնօրեն Կարինե Լալազարյանի լիազորությունները՝ ՀԺ-ի հարցին, դատախազը պատասխանեց. «Էս պահին ենք ձերբակալել, ես չգիտեմ, թե իր վերադասներն ինչ որոշում կկայացնեն: Մենք ձերբակալել ենք այսօր, այս պահին»։

Աղբյուր՝ https://armtimes.com/hy/article/157521?fbclid=IwAR075DrDV9UWzFFfGX4NrtXIrYMVMf61BaDmMPw5Kr6fhmdeLR6c6G9rseU

 

 

Կայքում արտահայտված կարծիքները կարող են չհամընկնել խմբագրության տեսակետին:

 

Թողնել պատասխան

Ձեր էլ-փոստի հասցեն չի հրապարակվելու։

Copyright © All rights reserved. | Newinfo 2018-2019.