Կիր. Հնս 16th, 2019

Անկախ, թափանցիկ, օպերատիվ, բազմաոլորտ

Շառլ Ազնավուրի հավաքածուից արվեստի ստեղծագործությունները կվաճառեն Փարիզի աճուրդում

Ֆրանսիացի աշխարհահռչակ շանսոնիե Շառլ Ազնավուրին պատկանող արվեստի ստեղծագործությունները կվաճառեն Փարիզում կայանալիք աճուրդում: Ինչպես հայտնել Է Le Figaro թերթը, աճուրդը, որը կազմակերպում Է Christie՚s տունը, կկայանա հունիսի 4-ին:

Աճուրդի կդրվեն երկու բրոնզե քանդակներ: Առաջինը ֆրանսիացի նկարիչ Ժերմեն Ռիշիեի (1902 – 1959) գործն Է, որն ստեղծվել Է 1953 թվականին և պատկերում Է ցլամարտիկի և ցուլի գանգ: Այդ քանդակը Ռիշիեի 11 գործերից բաղկացած շարքի մի մասն Է, որոնք նվիրված են ցլամարտի թեմային: Նրա մյուս գործերը պահվում են Նյու Յորքի Գուգենհայմի ֆոնդում և Բրյուսելի Գեղեցիկ արվեստների թագավորական թանգարանում:

Փորձագետները քանդակի արժեքը գնահատում են 2,5 միլիոն եվրո: Ազնավուրի հավաքածուի ևս մեկ գործ Սեզար Բալդաչինիի «Տեսկոնիի տախտակը» քանդակն Է, որն ստեղծվել Է 1958 թվականին: Լոտի նախնական արժեքը կազմում Է 60 հազարից մինչեւ 80 հազար եվրո:

Ավելի վաղ Ֆրանսիայում կայացած աճուրդում վաճառվել Է այն ավտոմոբիլը, որը շանսոնիեն գնել Է 1966 թվականին: Աճուրդը տեղի Է ունեցել փետրվարի 7-ին Գրան պալե ցուցահանդեսային պալատում, հաղորդել Է ՏԱՍՍ-ը:

 

Կայքում արտահայտված կարծիքները կարող են չհամընկնել խմբագրության տեսակետին:

 

Copyright © All rights reserved. | Newinfo 2018-2019.