• flat Դժգոհել

Վաղվա կառավարության նիստից հետո կհասկանանք մեր քայլերի հերթականությունը. ՀՅԴ երիտասարդական կազմակերպության երթն ավարտվեց

Վաղվա կառավարության նիստից հետո կհասկանանք մեր քայլերի հերթականությունը. ՀՅԴ երիտասարդական կազմակերպության երթն ավարտվեց

ՀՅԴ Հայաստանի երիտասարդական կազմակերպության կազմակերպած ԿԳՄՍ նախարար Արայիկ Հարությունյանի հրաժարականի պահանջով երթն ավարտվեց նախարարության շենքի մոտ:

Ակցիայի մասնակիցները հույս հայտնեցին, որ ՀՀ կառավարությունը վաղը ողջամիտ կլինի եւ կառավարության նիստին կքննարկի Արայիկ Հարությունյանի հրաժարականի հարցը:

«Վաղվա կառավարության նիստից հետո մենք կհասկանանք մեր քայլերի հերթականությունը: Միայն ուզում ենք նշենք, որ մեզ համար կան կարմիր գծեր, որոնք մեզ համար հատելն անթույլատրելի է եւ մենք նահանջելու տեղ չունենք: Նշանակում է, որ եթե վաղը Կառավարությունը չկարողանա լուծել Արայիկ Հարությունյանի հարցը, մենք կգնանք մեզ  վերապահված իրավուքնների սահմաններում բոլոր միջոցներին ձերբազատվելու համար Արայիկ Հարությունյանից եւ նրա վարած քաղաքականությունից»,- հայտարարեց ակցիայի մասնակիցներից մեկը:

Նշենք, որ այսօր ԿԳՄՍ նախարար Արայիկ Հարությունյանն այսօր հրավիրված ասուլիսի ժամանակ հայտարարել է, որ իր օրակարգում հրաժարականի հարց չկա:

Ավելի վաղ հայտնել էինք, որ ՀՅԴ Հայաստանի երիտասարդական միությունը այսօր` սեպտեմբերի 16-ին, «Հանուն ազգային և առաջադեմ կրթության» խորագիրը կրող երթ է անցկացնում։

Երթը մեկնարկելու է Մատենադարանի հարակից տարածքից  և անցնելու է Մաշտոցի պողոտայով, Ամիրյան փողոցով ու ավարտվելու է ԿԳՄՍ նախարարության շենքի դիմաց։

Երթի մասնակիցները՝ ԿԳՄՍ ոլորտներում տիրող քաոսի, բարեփոխումների անվան տակ վարվող ապազգային քաղաքականության համար պահանջելու են Արայիկ Հարությունյանի հրաժարականը։

Մեկնաբանություն


Նմանատիպ