• flat Դժգոհել

(Ոչ) կատարյալ տղամարդ . ֆիլմ՝ անսահման սիրո ու նվիրվածության մասին

(Ոչ) կատարյալ տղամարդ . ֆիլմ՝ անսահման սիրո ու նվիրվածության մասին

Լեփ-լեցուն դահլիճ, մոտ 15 րոպե չդադարող ծափահարություններ, հուզված հանդիսատես ու օդում լցված անսահման սեր:
«(Ոչ) կատարյալ տղամարդ» ֆիլմի հերոսուհու` Սվետայի բախտը երբեք չի բերում անձնական կյանքում. Նա միշտ հարմարվում է տղաներին, նվաստացվում և դիմանում դավաճանություններին: Հերթական անհաջող ընկերոջից բաժանվելուց հետո, նա գնում է աշխատելու ռոբոտների վաճառքով զբաղվող ընկերությունում: Ռոբոտները արդեն դարձել էին կյանքի անբաժանելի մասնիկը և չէին տարբերվում մարդկանցից: Սվետան ցանկանում է իր կյանքը կապել զգայուն, ուշադիր և հոգատար ռոբոտի հետ, և դա հանգեցնում է ամենա անսպասելի հետեվանքների...

Ֆիլմում նկարահանվել են ռուս, վրացի և հայ դերասաններ։ Ուզում եմ, որ ֆիլմը դիտելուց հետո, մարդիկ դուրս գան դահլիճից, գրկեն իրենց սիրելիներին ու բաց չթողնեն նրանց»,- Լրագրողների զրույցում ասաց ֆիլմի սցենարի հեղինակ և ռեժիսոր Մարիուս Վայսբերգ:

Նա բավականին հուզված էր, մտքերը դժվարությամբ էր շարադրում: Բայց այդ հուզմունքը համեմատելի չէր  հանդիսատեսի հուզմունքի հետ: Ֆիլմի ցուցադրությունից հետո րոպեներ շարունակ ծափահարությունները չէին դադարում: Մարդիկ չէին ցանկանում հեռանալ և փորձում էին իրենց հիացմունքն արտահայտել ծափողջյունների միջոցով: Պրեմերային ներկա էր նաև ֆիլմի գլխավոր դերակատար Եգոր Կրիդը:

Լրագրողների  հետ զրույցում Կրիդը պատմեց, որ մի օր իրեն զանգահարել է Մարիուսը և առաջարկել նկարահանվել իր ֆիլմում:

«Նա ինձ ուղարկեց ֆիլմի սցենարը և երբ ես կարդացի,  վայրկյան անգամ չմտածեցի: Համոզված էի, որ ուզում եմ այդ ֆիլմում խաղալ: Այս պատմությունն ինձ շատ հուզեց և միայն հիմարը կարող էր նման առաջարկը մերժել»,-ասաց նա:

Ֆիլմում ամեն ինչ կա. սեր, դավաճանություն, դժբախտություն, կորուստներ, բայց ակնհայտ է մի բան` մարդիկ  անգամ ծանր պահերին չեն դադարում «մարդ մնալ», դիմացինին կարեկցել ու ժպտալ…
 

 

Մեկնաբանություն


Նմանատիպ