• flat Դժգոհել

Պաշտոնական. «Նոան» ֆուտբոլային ակադեմիա է բացել Հայաստանում

Պաշտոնական. «Նոան» ֆուտբոլային ակադեմիա է բացել Հայաստանում

Հայաստանի ֆուտբոլի ֆեդերացիան և «Նոա» ֆուտբոլային ակումբը ձեռք են բերել համաձայնություն, ըստ որի Վաղարշապատի ֆուտբոլի ակադեմիան 5 տարի ժամկետով (հետագայում երկարաձգելու նախնական պայմանով) վարձակալության է տրվել «Նոա» ակումբին:

Համաձայնագիրը ստորագրվել է Հայաստանի ֆուտբոլի ֆեդերացիայի գլխավոր քարտուղար Արթուր Ազարյանի և «Նոա» ֆուտբոլային ակւմբի գործադիր տնօրեն Արթուր Սահակյանի միջև: Ըստ համաձայնագրի՝ «Նոա» ֆուտբոլային ակումբը, բացի ակադեմիայի գործարկման և պահպանման ծախսերից, նաև պարտավորվել է 5 տարվա ընթացքում իրականացնել ներդրումային ծրագիր։ Վաղարշապատի ակադեմիայի մարզադաշտն ունենալու է լուսավորություն, հիմնական խաղադաշտի հարևանությամբ կառուցվելու է 1000 նստատեղով նոր տրիբունա, տեղադրվելու է 2 ժամանակակից լուսատախտակ։ «Նոա» ֆուտբոլային ակումը պատրաստվում է հետագայում նաև իր տնային հանդիպումներն անցկացնել Վաղարշապատի ակադեմիայում:

"Մենք վաղուց էինք գնում այսօրվան։ Հիմնադրման առաջին օրվանից  «Նոա»-ն նպատակ է դրել ոչ միայն դառնալ լավագույն ակումբը և աջակցել Հայաստանում ֆուտբոլի զարգացմանը, այլև նպաստել նրան, որպեսզի հազարավոր հայ պատանիների համար համաշխարհային մակարդակի ֆուտբոլիստ դառնալը լինի հստակ տեսանելի ճանապարհ", - նշեց «Նոա» ՖԱ-ի գործադիր տնօրեն Արթուր Սահակյանը։

 

Մեկնաբանություն


Նմանատիպ