• flat Դժգոհել

Վոլֆգանգ Գյոթեի 25 իմաստուն մտքերը

Վոլֆգանգ Գյոթեի 25 իմաստուն մտքերը
  1. Բնությունը միակ գիրքն է, որի յուրաքանչյուր էջը լի է խոր բովանդակությամբ:
  2. Մարդիկ կան, որոնք երբեք չեն սխալվում, որևհետև երբեք չեն տրվում ոչ մի խելացի մտքի:
  3. Սարսափելի է նա, ով այլևս ոչինչ չունի կորցնելու:
  4. Օտար երկիրը հայրենիք չի դառնա:
  5. Միայն փորձն է սովորեցնում մեզ գնահատել կյանքի բարիքները:
  6. Քիչ է` իմանալ, հարկավոր է և կիրառել: Քիչ է` ցանկանալ, հարկավոր է և կատարել:
  7. Միակ բանը, որ պահանջվում է հանճարից, սերն է ճշմարտության հանդեպ:
  8. Նյութը իր առջև տեսնում է ամեն ոք, բովանդակությունը գտնում է միայն նա, ով գործ է ունենում նրա հետ: Իսկ ձևը մեծամասնության համար գաղտնիք էլ մնում է:
  9. Ոգեշնչումը տառեխ չէ, որը կարելի լինի ապխտել երկար տարիների համար:
    Պսակ հյուսելն ավելի հեշտ է, քան նրան արժանի գլուխ գտնելը:
  10. Խոսքը ավելի շուտ վերք է հասցնում, քան բուժում է:
  11. Ով օտար լեզու չգիտի, գաղափար չունի նաև իր լեզվի մասին:
  12. Դատավորի առաջին պարտականությունն է` լսել մեղադրյալին:
  13. Ով ինչպիսին է, այնպիսին է և նրա աստվածը: Ահա թե ինչու որոշ աստվածներ ծիծաղելի են լինում:
  14. Բոլոր բարի մարդիկ խստապահանջ չեն:
  15. Լոկ նա է ուրախություն ապրում, ով օգնում է իր նմանին:
  16. Երջանիկ է նա, ով կարողանում է կյանքի սկիզբը կապել վերջի հետ:
  17. Գեղեցկությունը ամենուրեք հաճելի հյուր է:
  18. Ատելությունը կանխակալ է, բայց սերը` առավել ևս:
  19. Խիզախությունը ոչ կարելի է սովորել, ոչ էլ մոռանալ:
  20. Ճշմարտասիրությունն արտահայտվում է` ամենուրեք լավը գտնելու և գնահատելու կարողությամբ:
  21. Զգացմունքները չեն խաբում. խաբում են դրանց հիման վրա կազմված դատողությունները:
  22. Ամենածիծաղելի ցանկությունը բոլորին դուր գալու ցանկությունն է:
  23. Ոչ ոք չի իմանա` ինչպիսին են իր ուժերը, մինչև որ չփորձի դրանք:
  24. Ով երկար է մտածում, միշտ չէ, որ գտնում է լավագույն լուծումը:
  25. Խելացի պատասխան ես ուզում ստանալ, խելացի հարց տուր:

Մեկնաբանություն


Նմանատիպ