• flat Դժգոհել

«Բա ի՞նչ անեմ, ասենք թե մի հատ մինիստր ինտերնետով ինչ-որ բան է ասել... վարչապետի հայտարարածը դա պաշտոնական չէր: Tert.am

«Բա ի՞նչ անեմ, ասենք թե մի հատ մինիստր ինտերնետով ինչ-որ բան է ասել... վարչապետի հայտարարածը դա պաշտոնական չէր: Tert.am

Այսօր զանգել եմ մարզպետարան, քաղաքապետարան, խնդրել եմ, որ չաշխատելու մասին պարետի որոշումը կնիքով, ստորագրությամբ ուղարկեն, որ դադարեցնեմ գործարանի գործունեությունը: Այս մասին Tert.am-ի հետ զրույցում ասաց Վանաձորի «Գլորիա» կարի ֆաբրիկայի տնօրեն Բագրատ Դարբինյանը:

Նա ասաց, որ գործարանն աշխատում է, բայց իրենց աշխատակիցներին ստիպելով աշխատանքի չեն բերում, պատվերներ կան՝ նրանք գալիս և աշխատում են:

Բագրատ Դարբինյանն ասաց, որ պարետի որոշման մասին տեղյակ չեն: «Ես պարետի որոշումից տեղյակ չեմ, նման որոշում չեմ ստացել: Սպասում ենք: Զանգել եմ մարզպետարան, քաղաքապետարան, խնդրել եմ, որ այդ որոշումը կնիքով, ստորագրությամբ ուղարկեն, և ես կդադարեցնեմ գործունեությունը գործարանի: Էդ պարետի որոշման մեջ ի՞նչ է գրած: Չի՞ ասվել առավոտը 8-ին պետք է որոշում լինի, հրապարակվի, կամ էլ թող մարզպետարանի միջոցով գործարարներին տեղեկացնեն: Ինչո՞վ եմ ստիպում աշխատողներին, կարո՞ղ է ծեծելով բերում եմ գործի: Մեր գրաֆիկով առավոտյան գալիս են, երեկոյան գնում են, իսկ եթե պարետի որոշում կլինի, Կառավարության որոշում կլինի, իհարկե, մեծ ուրախությամբ աշխատողներին կուղարկեմ տուն, ես էլ կհանգստանամ»,- ասաց նա:

Ֆաբրիկայի տնօրենը նշեց, որ պետք է այդ որոշումը գոնե ուղարկեն իրենց էլփոստին, կամ մարզպետարանից բերեն: «Բա ի՞նչ անեմ, ասենք թե մի հատ մինիստր ինտերնետով ինչ-որ բան է ասել... վարչապետի հայտարարածը դա պաշտոնական չէր: Ինքն ասաց, որ պարետը հավանաբար առավոտը որոշում կկայացնի 8-ին, 9-ին և կդադարեցնենք: Ես չէի էլ տեսել, ծանոթներս ասացին, որ վարչապետը ենթադրել է, որ վաղը կփակվի: Դե կփակվի, կփակվի: Ես եկա աշխատանքի այստեղ իմացա լուրերից, խոսակցություններից, որ այդպիսի ցանություն ունեն, դե եթե ունենան ու մեզ էլ ուղարկեն էդ որոշումը, ես էլ կփակեմ, բա իհարկե»,- հայտարարեց գործարանի տնօրենը:

Դիտարկմանը՝ պարետի կողմից որոշում կա, հայտարարվել է, որ միայն սննդի կետերն են աշխատելու, նա պատասխանեց. «Այսօր էնքան «ֆեյքեր» են հայտարարում, մեկը մյուսի ձայնով խոսում, դա պաշտոնական փստաթուղթ չի էլի: Օրինակ՝ էսպիսի բան է եղել, վարչապետն ընտրվել էր, իր փոխարեն զանգել էին Անգլիայի վարչապետի հետ խոսել, չեմ ասում հիմա այդ աստիճանի է, բայց Կառավարության կամ պարետի որոշում պետք է լինի»:

«Էլի եմ ասում ստորագրված, կնքված որոշում պետք է լինի: Ես այդ որոշում նաև պետք է ուղարկեմ գործընկերներիս, ասեմ՝ նայեք Կառավարության որոշում կա, թե չէ կասեն էս ինչի՞ չես առաքում, դե միլիոն դոլար ինձ տուգանք վճարի, սնանկանա՞մ, դա է հարցը: Մենք ժամ առ ժամ սպասում ենք, ժամը 12-ն է, եթե էսօր կտան այդ որոշումը, կասեմ՝ առավոտ չգաք ժողովուրդ ջան, էսօր ավարտեք ձեր գործերը ու վաղվանից մի եկեք»,- շեշտեց նա:

Մեկնաբանություն


Նմանատիպ