• flat Դժգոհել

Բույրերի, գույների ու համերի թագավորություն՝ Գումի շուկա

Բույրերի, գույների ու համերի թագավորություն՝ Գումի շուկա

 - 1,2,3,4,․․․ ևս 7 աստիճան և գույների, համերի ու բույրերի թագավորության դռները կբացվեն։

 Թարմ կանաչի, համեղ բաստուրմա ու պանիր, լավաշ ու չրեր: Եվ սա դեռ ամենը չէ, ինչ կարելի է գտնել այստեղ: Գումի շուկան այն եզակիներից է, որ շարունակում է գոյատևել ԽՍՀՄ-ի փլուզումից հետո ու բոլորին զարմացնել իր պայծառ ու աչքի համար գայթակղիչ գույներով։ Ի դեպ մինչ ԽՍՀՄ-ի փլուզումը շուկան ուներ <<կոլխոզի շուկա>> անվանումը։

 Սուպերմարկետների հայտվելով՝ շուկաները կորցրին իրենց արդիականությունը և չի բացառվում, որ մի օր էլ քաղաքի կոլորիտը,կենցաղը ու գույներն ապահովող այս շինությունը վերածվի հերթական սուպերմարկետի, անվանակոչվելով՝ <<Գումի շուկա>> սուպերմարկետ ու արժանանա նույն ճակատագրին ինչ-որ՝ 67-ամյա <<Փակ շուկան>>։

 Եթե սեղանիկները, կրպակները կամ ապրանքները կարողանային խոսել, ապա նրանցից յուրաքանչյուրը կկարողանար պատմել շուկայի ծնունդի ու վերածնունդի (վերանորոգման) պատմությունը, և ինչու ոչ, նաև  իմ, քո և յուրաքանչյուրի այցելության  մասին։ Բայց հոգ չէ, խոսում ու այդ ամենի մասին պատմում են նրանց <<պահապանները>>, որոնք յուրաքանչյուր հաճախորդի ու սեղանիկի հետ կապում են ոչ միայն իրենց ապրած տարիները, այլև սիրած աշխատանքը, որին նվիրել են կյանքի մեծ մասը։ Նրանցից ոմանք այստեղ աշխատում են արդեն 30 տարի, ոմանք էլ դրանից ավել։

 Չրերի թագավորության <<պահապաններց>> մեկը, ժպիտով ու վստահ պատմեց, որ իրեն ու իր չրերը այնքան են նկարել, որ պատմելու չի․անգամ ռուսական հեռուստաալիքներից մեկով ցույց են տվել։ <<Պահապաններից>> մյուսը պատմեց,որ արդեն 56 տարեկան է և կյանքի 26 տարին անցկացրել է շուկայի պատերի ներսում, իսկ չրերը հենց ինքն է պատրաստում իր այգու բերքից։

 Շուկայի մյուս կողմը տրամադրված է պանրին ու թթվին։ Պանիր վաճառող կանանցից մեկը պատմեց, որ արդեն 30 տարի է, որ աշխատում է շուկայում մինչ այդ հաշվապահ է եղել ու կարիքից դրդված է սկսել աշխատել շուկայում, բայց ժամանակի ընթացքում կապվել է իր աշխատանքին և հիմա առանց այդ աշխատանքի չի պատկերացնում իրեն։ 25 տարի բաստուրմա վաճառող կինն էլ պատմեց, որ ԽՍՀՄ-ի տարիներին շուկայում միայն բաստուրմայի 70-ից ավել տաղավար կար, իսկ այսօր դրանցից միայն 7-ն են մնացել։

Եվ վերջապես, հայտվելով շուկայում՝ դուք կարող եք ոչ միայ գնումներ կատարել, այլ նաև զգալ շուկայի կենսունակ մթնոլորտն ու մի պահ տեղափոխվել աշնանային գույներով զարդարված դաշտերն ու այգիները։ 
 
 

Մեկնաբանություն


Նմանատիպ